FAnambinana MAdagasikara - FAMà: 10/01/2015

lundi 26 octobre 2015

ANDAO !

1. OMPAM-BAHOAKA

Milelalela ankehitriny ity tanim-bazimba ity.

Milelalela ny afo ! Doro-tanety !! Ompam-bahoaka amin’ny mpitondra fanjakana. Romodromotra ny zana-bahoaka tsinontsinoavina.

Doro-tanety: ompam-bahoaka amin’ny Fanjakana.
Asan-dahalo: ompam-bahoaka amin’ny Fanjakana.

E ‘ty manjo ny zandary ! Raha zandary, aza manody ny voahiraka hiasa anaty akata. Hazain’ny dahalo tsotra izao. Ankifamaly faty.

Mihaohao ny dahalo. Manani-bohitra. Marobe ny dahalo tsy fidiny. Asesin’ny an-tery. Dodoin’ny kéré.

Fanjakana tsy haninon-tsy haninona. Kabary poakaty no hany talenta. Ankivorivory no tena lahasa. Ampihimamba etsy sy eroa. Fizahozahoana mameno arabe.

RAHONDRAHOM-BAZIMBA

2. OMPA RAZANA

Filohampirenena kanosa velona ‘ty raikalahy ‘ty.

Ompa razana ! Nanompa razana antsika ny masoivohon’ny fanjakana frantsay. Nataony ankiharihary. An-dry zareo, hono, ireo Nosikelim-bazimban’i Madagasikara.

“ Iles éparses â, îles éparses ! » NOSIKELIM-BAZIMBA ireo, tompoko ô !!

Manipy tavimandry, manosotra diky antampon-dohantsika Malagasy ny Mpitondra frantsay.

Vava takiky ny Fanjakana. Kanosa mianakavy. Mpamadika tanindrazana.

Handrongatra ireo razantsika namoy ny ainy, nandritra ny an-jato taona, ho an’ity tanim-bazimba ity. Mahatantesa avokoa izay mpisolelaka renikelimalala !

Handràmatra ny taranà-bazimba eto amin'ity Firenena ity.

Ny aty, efa vonona ny Mpanjakabenitanimbazimba.

Mijoroa avokoa izay Malagasy mahasahy !

NOSIKELIM-BAZIMBA

3. NOSIKELIM-BAZIMBA

Araka ny rohotanim-bazimba:

Tromelin…………….. Vody Alahamady
Europa………………. Vody Adimizana
Bassas da India……… Vava Alakarabo
Juan de Nova………... Mason’Alakaosy
Les Glorieuses………. Vava Alohotsy

Miha-maro ny Malagasy miantso antsika hijoro. Santionany:

FEON'NY MALAGASY - AROVY MADAGASIKARA

https://www.facebook.com/206751829348472/photos/ms.c.eJw1yskJADAMA8GOgiUfcvpvLMHg3zIsLMvpsvALqg4GApAYWb3g~_KFuLmTOwXjJNA16.bps.a.1056323644391282.1073741826.206751829348472/1056323704391276/?type=3&theater

Rangorindralesoka Zanakandriana‎MOSAICC (groupe Public)

Manainga ny Malagasy rehetra erantany hanaparitaka ity sary ity.
Tsy misy 16eme sommet izany aminay eto Madagasikara amin'ny 2016. Tsy mila an'izany izahay. Mahamenatra, raha misy Malagasy iray milaza fa azy andohatapenaka dia afaka ora iray ny ministra rakotovao dia milaza angazety fa an'ny fanjakana malagasy io tany io. Mandrakankehitrio anefa, raha nilaza teto antanindrazana (fa tsy tany frantsa) ny masoivoho frantsay fa azy Frantsa ireo iles éparses dia tsy mbola nahitana valiny avy amin'ny ministra Rakotovao sy Attalah hatreto milaza fa an'ny Malagasy ireo iles éparses ireo.

Aza afangaro voraka ny Mpitondra frantsay sy ny vahoaka frantsay. Samy hafa ireo. Ny kary no manao ny ataony dia ny saka no borian-drambo ? Santionany :

La France qui viole la souveraineté de Madagascar

Edwy Plenel (ancien directeur du journal Le Monde, créateur et directeur de Médiapart) était à La Réunion, la semaine dernière, pour une table ronde dont le thème était "Géopolitique dans l’océan Indien : place de La Réunion". Le professeur André Oraison qui soutient le droit international et la souveraineté de Madagascar faisait aussi partie du panel d’intervenants, de même que Wilfrid Bertile (sénateur de La Réunion, un des créateurs du parti socialiste, ex-secrétaire général de la COI), et aussi le Mauricien Gilbert Ahnee (rédacteur en chef du groupe l’Express et représentant de Jean-Claude de l’Estrac actuel secrétaire général de la COI).

Une Malgache a été invitée à assister à cette table ronde par le professeur André Oraison, et ce fut pour elle une bonne opportunité pour faire entendre la voix de Madagascar. Elle a mis les pieds dans le plat à propos des Iles éparses, de la manœuvre d’intimidation des Fazsoi qui venait de s’achever à Juan de Nova, et à propos de la COI qu’elle a qualifié "d’instrument de domination" vu la double casquette de La Réunion. Son intervention a été soutenue par le professeur André Oraison qui a répété haut et fort ce qu’il a dit et écrit à maintes reprises, à savoir que "la France n’avait rien à faire à Mayotte qui est comorienne et dans les Iles éparses malgaches".

Edwy Plenel a parlé de "la France qui viole la souveraineté de Madagascar". Nous ne sommes pas naïfs, si la résolution des Nations Unies ne fait pas reculer la France, ce n’est pas cette table ronde qui le fera. Mais c’était bien que les choses fussent dites et entendues par des responsables réunionnais et mauriciens. Et le fait qu’elles aient été dites à Saint-Pierre, lieu où s’est tenue la table ronde mais qui est aussi le siège des Terres Australes Françaises (Taaf) auxquelles nos Iles éparses ont été rattachées ne manque pas de sel.

Joel Harison / http://www.clicanoo.re/

http://ampitapitao.blogspot.fr/p/la-france-qui-viole-la-souverainete-de.html

4. RASAVOLANA

Ho an’ny taranaka Malagasy tsivakivolo no itolomana ho an’ny Nosikelim-bazimba.

Rehefa tsy vitan-dresaka mampody fanahy izao tolona izao, eny an-dalàmbe no tohiny ato ho ato.

Rehefa tsy vitan’ny eny an-dalàmbe io, vaky bantsilana hiafara amin’ny ady. Na hadio. Na haloto.

Ny pôlitika voretra efa anjato taona ampiharin’ny Mpitondra frantsay eto an-tanindrazantsika no fahavalo.

Sahy hiara-hitolona ho an'ny Nosikelim-bazimba ve ny mpitondra fanjakana ankehitriny ? Andao hiaraka. Dieny mbola fotoany.

Rehefa tsy mahasahy, mialà !!! Mialà tsy ho Mpitondra intsony. Aleo dimbiasan’izay mahasahy.

Avotsory ny fibaikoana ny tandroka aron'ny vozona.

Raha ireo Mpitondra sady kanosa no mpamadika tanindrazana ireo ve no hanome baiko anareo pôlisy-zandary-miaramila hoe: " Poreto io tolona ho an’ny Nosikelim-bazimba io."

Zakan'ny feon'ny fieritreretanareo ve izany ?

Hahavita hiatrika ny fasan-drazanareo ianareo raha sanatria hanaporitra io tolona io ?

Voalohany, haja amam-boninahitrin'ny razanareo io tolona io.

Faharoa, tombontsoa ho anareo sy ny zanakareo ary ny taranakareo io tolona io.

Hiaro tanindrazana. Io no fianianana nataonareo an-tsitrapo. Tanindrazana ny Nosikelim-bazimba.

Raha hamoaka kibay sy basy aman-tafondro ianareo, ho atodikareo aiza ?

Ny pôlitika maloton’ny fanjakana frantsay no HANY fahavalo.

Andao fongorana am’izay !

ANDAO !

samedi 10 octobre 2015

MPIANADY VAZIMBA # 02

Araka ny tetiandro vazimba vakiantety, mandany ny adizaoza maro anaka – mahabotrabotra taranaka isika io. Higadona amin’ny herinandro fiasana ho avy io ny volana asorotany. Malaza ho vintan’antitra izy io. Tsy ny vokivoky taona ihany no tiana ambara fa ny anti-panahy indrindra indrindra.

Ny antsoina eto hoe anti-panahy dia ireo mikolokolo fahendrena. Ireo izay mahavàtra mihaino ny feon’ny fieritreretany ka mandrary ny tontolom-piainany arak’izay. Ireo izay mandalina hatrany ny Dharma-ny ka mahatandro ny Karma-ny araka izay. Zahao lahakevitra RANIRANY # 01.

1. ASOROTANY

Araka izany anarany izany, mampifantoka amin’ny tany izy io. Tsy ny tany diavina fotsiny, fa ny tany amin’ny mahavadiben-Janahary azy mihitsy. Tsy ny tany fivelomana fotsiny, fa ny tany amin’ny maha-filevonan-tavony azy, maha-fihintsanan'ny nofo aman-taolana azy.

Andron-drazana izy. Fanorenana fasandrazana. Ny tany no mpitahiry ny lasa sy dila ary fahagola manontolo raha ny lanitra no sompitrin’ny faravody andro rahatrizay.

Ny mpikobana eritreritra ihany no mety sahiraniny satria mpamoha fotamandry izy. Mpampihalohalo avelo. Mpamongatra lolo. Mpampihaohao angatra.

Saingy tsy manan-kahiahiana velively izay madio fo. Koa alamino ny saina. Raha misy mampiahotra, aza avela mampitahotra. Diovy malaky ny fo dia aza ivadihana ati-doha. Aza avela ho trà-maraina ny hatezerana androany. Aza avela haningom-po izay alahelo namelovelo. Ario, tsofy rano hivarina an-driaka, ho danihan-dohataona ka ho oram-batravàtra hamelombelona aina raha fahavaratra.

Vanim-potoana fifamelàna ny asorotany. Fandrariàm-pihavanana. Fihavanana amin’ny tena, voalohany indrindra. Fady kobay an-kelika ny asorotany. Izay no maha-vintambazimba azy. Maha-tso-po amam-panahy. Mampihiratra ny soa. Koa soavà tsarà avokoa !

2. ZAVA-MISY

Efa be loatra ny diky nifamorihana naroso tanaty lovia ankosobolamena nifanaovan’ny samy mihambo ho firenena matanjaka koa e ‘ty fifamaliam-paty ifanaovany any Moyen-Orient. Samy mpanara-baovao isika mianakavy koa aleo iaraha-mahita eo izay fizotrany.

Ny ao Afrika Afovoany ao moa dia maha-ontsa tanteraka. Aza manody ny ambany vaohon’ny mena sofina mifandrombatra tombon-tsoa amin’ny kelimaso. Miampy ny ataon’ny tavaratra izay manandevo ny mainty efa anjato-taonany. Hatramizao mbola disahiny antampon-doha dia rakodrakofany karazana anarana foto-pivavahana.

Asainy mifamono an-trano. Aholany vetavetainy ny vehivavy. Rotika ny fiarahamonina nentim-paharazana.

Aleo hanao ihany ! Siasia ny an'ny olombelona fa ny fanapahana an’Andriamanitra.

Ny eto an-tanindrazana, tsy nahafehy ràn’olombelona tsy ho latsaka an-tany ity fitondrana ity. Tsy ambonivohitra, tsy ambany ravinahitra, tsy anaty akata ! Ny tody tsy misy fa ny atao no miverina. Ny havoretran’izay natao no mampalaky ny fifoterany.

Aleo tsofina rano dia iafenana andamosin-tolàna. Aleo samy hijinja izay nafafiny. Izay rivotra, ho tadio. Izay voa tsara, ho ambim-bava manototra sompitra.

3. KàKAKàKAM-BAZIMBA

Asorotany io hitsidika io !

Ho hita eo, iza no handavaka ny tany ilevenany. Ny mpitondra fanjakana malagasy ankehitriny voasokajy anatin’izany. Voafaoka ao koa ny mpitantàm-panjakanan-drenikelimalala. Nobedainy anterivay manta i Juan de Nova. Mahasoàva azy. Mikàkakàka hatramin’ny vazimba !

Nikabary niezinezina nanoloana ny seza sy latabatrin’ ny ONU ny filohampirenena Malagasy. Poakaty lavareny toa ny mahazatra. Tsy nisy indraim-bava nikasika ny Iles Eparses. Miakoàko ny kàkakàkam-bazimba !!

Misy euro be dia be, hono, omen-drenikelimalala atao tsipaipaika. Tolorany faribodin’ny kaopy ra-Fanjakana dia nofahony ny siniben-drano. Kàkakàkam-bazimba !

Tsy ampilaharana “ visa” izay hitsidipahitra any amin-drenikelimalala. Fidasiany kosa ny minisiteran’ny tetibola malagasy. Kàkakàkam-bazimba !

Aok’izay sao mahatapa-tsinay. Maty aho Jirama-keliko. Sns.

Mmmhhh… Asorotany ! Asorotanim-bazimba.

Mmmhhh...!

4. VARY SY TSIPARIFARY

Ny mpikirakira pôlitikam-pahefana no ohirin’ito lahakevitra ito fa tsy ny sarambabem-bahoaka. Ry Rajaonarimampianina ve no manao ny ataony dia isika no ho menatra amin’i Madagasikara ? Fitondrana miserana ihany ny an’ireo.

Ry Hollande ve no manao ny ataony dia ny sarambabem-bahoaka frantsay no ho jerena vilana ? Sasanangy samy manana ny azy ireo.

Roa ny sokajy fototra. Andaniny, ny mpitantam-panjakana. Ankilany, ny sarambabem-bahoaka. Aleo ireo hiavaka hatrany. Isika rehetra mamaky izao lahakevitra izao, sarambabem-bahoaka avokoa. N’inon’inona fihodirantsika. Na iza, na iza firenentsika.

Mialoha ny hitsinjovana ireo izay mampandika izao lahakevitra izao dia ireto misy torohay fototra. Anjaran’ny tsirairay no mandray izay tandrifiny. Ny Iles Eparses, ara-drohotanimbazimba :

Tromelin: Vody Alahamady

Europa: Vody Adimizana

Bassas de India: Vava Alakarabo

Juan de Nova: Mason’Alakaosy

Les Glorieuses : Vava Alohotsy

5. MISEHO MASOANDRO

Mizotra soa aman-tsara ny tetipanoron’ny anjely mikasika an’i Madagasikara. Manamari-toerana ny Revolisiona Vazimba. Miha-mavitrika ny solofo dimbin’ny ala. Miseho masoandro ny zanak' antitra. Ela ny ela.

Miala tsiny, miala fondro, manao salohy fito, tompoko. Hanonona anarana, azafady indrindra. Rabedaoro Eris no tompon’ny sori-kevitra ho aroso manaraka izao. Niniany natao tamin’ny teny frantsay izy io. Ho an-draMalagasy mpifehy lôjikam-bazaha. Ho an’ny tapaka sy namana ary havana izay havanana kokoa amin’io fitenimpirenena io. Mafonja dia mafonja ny voalazany ato:

“ Saturne est en sagittaire, c’est pour 2 ans environ, Madagascar étant sagittaire, 2015-2016-2017 seront très importantes pour notre pays. Surtout 2015/2016, car on a un trigone saturne Uranus. Donc, construction et rénovation. Par la révolution si saturne bloque, si l’ancien système persiste alors que de nouvelles idées émergent. Si rien ne se passe d’ici 2016, en termes de réels changements, 2017 sera sanglante car alors ce sera Saturne qui mènera la danse. Les Malagasy n’ont jamais été fans de structures rigides, on est plus dans le mora mora. C’est bon et pas bon. En tout cas, saturne = discipline ! Uranus = révolution ! Rénovation, mot d ordre donc pour nous, depuis peu ! Changement, aller au-delà des frontières connues ! Dépasser les schémas anciens ! Oser! Vouloir !

Nos lois, tribunaux, églises, institutions touristiques et relations internationales seront fortement concernés. Ce sont ces domaines qu’il faudra particulièrement observer. Mais uranus étant en bélier, il faudra aussi s’attendre à des changements importants dans l’informatisation du pays. Uranus a mis à mal nos forces de l’ordre, mais ces problèmes vont s’arrêter d’ici un an quand Uranus quittera le bélier, d’ici 2 ans »

Telo no hany fanamarihana atovon’ny mpanoratra ireo voalazan-d Rabedaoro Eris ireo.

a- Mifandraisa mivantana aminy izay liana amin’ny fanampim-panazavana. Ireto misy rohy :

https://www.facebook.com/photo.php?fbid=1388832787797107&set=pcb.1388828881130831&type=3

https://www.facebook.com/photo.php?fbid=1388839914463061&set=a.908301379183586.1073741841.100000111988179&type=3

b- Mpirahalahy miara-mianala efa 20 taona mahery izahay. Mifampizara ny manta sy ny masaka ara-pikarohana ny maha-Olona sy ny maha-Malagasy. Lavitra anay ny hiziriziry ho mpahalala. Arakaraka ny irosoana amin’ny fikarohana no ahatsapana hoe tena mbola tsy mahay n’inon’inona.

d- Aleo hiharihary mazava. Andriamanitra Ray Mpaàry irery ihany no tompon’ny ampitso. Fomban’olombelona ny mandinika izay ametrahan’ny tongony. Miankina amin-draolombelona mivantana ny ankehitrininy sy ny ho aviny. Ny vinavina fisahirananay mbamin-dry Rabedaoro Eris dia zàra raha mahatràtra ny 50 % no mety ho fihàrany.

Izay no azo ambara ampanetren-tena. Eo ampelan-tànantsika tsirairay avy ny ho avintsika mianakavy.

Tsy mandraharàha isika ? Ny eo ihany no eo.

Mitsikombakomba amin’ny tsivalahara isika ? Hangidy fara ny zava-hisy.

Miara-manatanteraka ny Revolisiona Vazimba isika ? Velona ny fanantenana.

Raha mampifandipatra izao resaka izao, ny teniko ariana. Izaho kosa, tsinjovy mandeha satria havanareo.

Samia tena Andriamanitra.

Z A N S H I N

Raha malina, mifehy hazo tokana.

mardi 6 octobre 2015

RANIRANY # 01

Fahendrena, hono.

Araka ny fahendrena tatsinanana, misy ny atao hoe Karma sy Dharma.

Ny Karma.

Izay tsara sy izay ratsy atao, miampy izay tsinontsinona atao. Mifatratra ao anaty vata avokoa ireo. Mihànaka, miramaràma manenika ny voaàry manontolo. Ary rehefa mitampody hatrany dia miàbo zato, arivo, analin-kisa heny. Migorodana eo amin’ny fototra niaingàny. Na ny tsara. Na ny ratsy. Ny tsinontsinona natao ihany koa. Malaza manaraka hatrany ankoatran’ny fahafatesana io Karma io.

Ny Dharma.

Raha fihazina, azo tsorina amin’ireto fanontaniana ireto. “ Iza aho ? Avy aiza ? Ndeha ho aiza ? ”. Ho an’ny mpandalina, hasim-panahy tsy hita pesipesenina no fonosin’io Dharma io. Ireo fanontaniana miisa telo ireo ihany no asongadintsika etoana.

Ny fandalinana ny hoe: “ Iza aho ? Avy aiza ? Ndeha ho aiza ? ” no manampy itantànana ny Karma.

Ahafantarana izay TSY TOKONY atao.

Ahalalàna izay TOKONY atao, aiza sy oviana.

Manampy hifehy ny antsoina hoe fahendrena izany. Azo tovànana ilay hoe:

“ Izay tiako atao amiko, ataoko ho an’ny hafa.

Izay tsy tiako atao amiko, tsy ataoko ho an’ny hafa.”

Tsongoina fon’ny olona, ...

Araka ny mythe d’Er le pamphylien izay notaterin’i Platon 427 – 347 talohan’i J.K,

samy manana anton-dia ety ambonin’ny tany isika olombelona. Enti-manatanteraka izany, nifidy izay toerana nahaterahantsika. Nifantina hatramin’ny ray aman-dreny niteraka antsika.

Nifidy ho olombelona aho. Nifidy ho Malagasy. Nifidy ny hivoatra ho olona. Nifidy hanampy ny olombelona hivoatra ho olona.

Anjara raharahako avokoa izay tandrify ahy eny an-dàlako. Mampalaina ahy ny mihanona amin’ny tany malemy fanorenam-pangady iadivan’ny besinimaro.

Enjehin’ny eritreritro aho raha vao mody fanina eo anoloan’izay tojo ahy.

Fanabeazana nomen-dray aman-dreniko ahy izany.

Mampananosarotra ny manao ny tsara.
Mamparisidrisika ny manao ny ratsy.
Mampiadankadàm-poana ny mijery fotsiny.

Tsongoina fon’ny tena.

Fantatro izay mihatra atsy Centrafrique. Loza !

http://www.centrafriquelibre.info/?p=20150

Atsy Congo. Antambo !!

http://www.informaction.info/iframe-congo-comment-6-millions-de-morts-peuvent-ils-etre-places-sous-silence-mediatique

Toa izao ny eto Madagasikara. Misoritra ho loza aman’antambo.

http://terresmalgaches.info/spip.php?article101

Mifandraika amin’ny Dharma-ko ireo matoa tonga hatreto an-databatro. Manery ahy hisaintsaina izay ho ataoko. Telo ny safidiko.

1. Tandrovako amin’ireo loza aman’antambo ireo ny fireneko. Hiantsoroka aho. Masina ny tany mitahiry ny tavoniko. Arovako ny taniko.

2. Hodiako fanina. “ ‘Zaho koa handraharàha ? Tsy aferako ‘zany ! Ny ato an-tranoko aza efa manahirana ahy.”

3. Hiray tsikombakomba amin’ny mpanjakazàka aho. Vao misy kitapo latsaka eo dia bedaiko. ‘Zay mi-bizina ihany no akamako. Any no misy ny tàtaka.
“Te-hitovy am’là koa ‘zaho !”

Fehiny

Inona no ho ataoko ?

… Ho an’ny Karma-ko.

Fanamarihana: ohatra anatin’ny zato amby arivo ireo natsidika ireo.

RANIRANY.

jeudi 1 octobre 2015

MPIANADY VAZIMBA # 01

1. FIRENENA “MATANJAKA”

Mananontanona ny Ady Lehibe Fahatelo. Zahao izay rohy mifanandrify amin’izay.

Mikoropaka ny mpitondra fanjakana nihambo ho mpibaiko izao tontolo izao hatramizay.

Andaniny:

Ny Eoropeanina ifoteran’ny pôlitikany tao Moyen-Orient efa ampolotaona. Io fa totoran’ny mpitsoam-ponenana isisihan’ny djihadista mahery vaika. Tafiditry ny biby rangôty ao am-pisoko. Madiva hirefotra ny lamim-piarahamoniny. Hatrao anatiny !

Ny Amerikana, lalaovin’ny sionista, doran’ny afo natsangany. Ry zareo no namorona sy namahana ny djihadista mahery vaika mba ifehezan’ny dolara ny tontolo famokarana solika. Mpiray tsikombakomba aminy ny pétromonarchie: Arabie Saoudite sy Quatar. Sangodim-panina ny demokrasia tandrefana. Vao mitady hanilika ny zioga tandrefana dia vizatiny: Kadhafi, Saddam Hussein, … Izao i Bachar El Assad.

Ankilany:

Mirongatra i Poutine ! Mampirefotra tafondro. Araho ny vaovao mikasika an’i Syrie sy Moyen Orient. Ny ziogan’ny dolara sy ny petro-dolara io mampitrifana azy io. Toa izany koa i Chine, mpiara-mianàla amin’i Russie.

Vanja midonaka koa ny ao atsimo atsinanan’i Asie. Mifandrafy ao amin’io faritra io ny Sinoa sy ny Amerikana. Mifampila vaniny ny Sinoa sy ny Japoney. Mifampiandry ankendri-tohana ny koreana tavaratra sy ny Koreana tatsimo.

Fehiny:

Manozongozona ny zioga pôlitika sy ekonomika ihorenan’ny dolara izay firenena leo fanandevozana. Manohitra imaso imaso !

Io koa ny euro fa mibàbaka !! Mandroso maty raibe, mihemotra maty renibe. Midongizina ! Sesi-boletra sisa ataon’ny fanjakan-drenikelimalala. Afa-baraka, mamo toaka hatreny an-kabary imasom-bahoka.

Ireo ry zareo mpibaiko ny antsoina hoe Firaisambe Iraisam-pirenena ! Ireo ry zareo mpitantana kitapom-bola iraisam-pirenena !! Miha-rava tokantrano !!!

2. FIRENENA « MAREFO »

Ifoteràn-tody ny firenena “matanjaka”. Rempotra ry mpanjakazàka. Koa inona no andrandraina amin’ireo ? Famatsiam-bola !?!

Kotobekibo fohy fisainana ny mpitondra malagasy. Vava takiky hatramin-draMalagasy.

Zahao ny mitranga ao RCA ankehitriny. Rotehin-drenikelimalala ara-pôlitika ny vahoakany. Tsentsefina ny diamondra ankibon’ny taniny. Mangozohozo koa i Congo. Voretra fanao ny any Burkina Faso. Ary aza manody ny mitranga ao Yemen.

Ary i Madagasikara, tanim-bazimba ?

Manoloana ny antambo manambana, ireto no kilema:

- Tokonan’ny Ranomasimbe Indianina. Géostratégique ho an’ny mpifanandrina.

- Sompitra harembe an-tanety sy an-dranomasina. Goragora adala tompo.

- Voro-maty ho an-drenikelimalala. Hatramizay ka hatramizao.

- Andevokelin’ny Tandrefana ny mpanao pôlitikany. Na mpitondra, na mpanohitra.

- Sns.

3. FANàFANA

Hetsiky ny mahery fo. Mpifehy lôjikam-bazaha. Mpikatroka lôjikam-bazimba.

Na inon-kitranga atsy ho atsy, na inon-kidona ato ho ato… Mivonona avokoa izay mpianady. Raha “mpikotrana”, amafiso ny kotrana. Raha mpikotrana fahiny, miverena mikotrana.

Ho an’ny besinimaro, mazotoa mivavaka. Fotoany izao.

Mahavàra mankasitraka ny fitantanan’ Ny Ray. Aza mangatàngataka. Mankasitraha fotsiny ihany. Mankasitraha lalandava.

Raha mampifandipatra izao resaka izao, ny teniko ariana. Izaho kosa, tsinjovy mandeha satria havanareo.

Samia tena Andriamanitra.