lundi 20 juillet 2015

REVOLISIONA VAZIMBA - Faneva fotsy.

Tataovovonana. Alakamisy 16 jolay 2015. Antananarivo 

 MADAGASIKARA


REVOLISIONA VAZIMBA - Faneva fotsy.

Anjomara fanairana / Lettre ouverte :



REVOLISIONA VAZIMBA - Faneva fotsy.

SERASERA " Revolisiona Vazimba - Faneva fotsy.":




REVOLISIONA VAZIMBA - Faneva fotsy.


AOK’ IZAY !!!



REVOLISIONA VAZIMBA - Faneva fotsy.

AOK’ IZAY !!!

Vasobasoka fitafy, ho’aho, Ra-Malagasy.
Gilôbalôba fianjaika, tontatonta ratsiratsy.
Bàkiraro loadoaka, kapakapa lany ila,
Kolepadepaka mandringa, silasila, bilabila.

Sara-bady, lany vatsy, zanaka nafoy
Tompontrano koa nandroaka, akora lava hoe : « Kororoy !
Iantsoy vadintany, angalao fokontany !
Daroy, homboy, lakoy !! Vonoy !!!"

Lasa indray, mitanjozotra tsy ho aiza.
Mitady volakely amin’ny namana, sakaiza.
Mangataka etsia, mitrosatrosa eroa,
Na menatra olona aza, afoy ny ambom-po.

Olo-nianatra sady kinga no mahay.
Ny asa tsisy fa raha misy, andoavam-bola indray.
Voatery mitsoaka, mitsoaka trosan’olona,
Maty ihany no iafaràny, aoka izay mandrakizay !!

AOK’IZAY ! AOK’IZAY !! AOK’IZAY !!! AOK’IZAY !!!!


F A N E V A   F O T S Y  !

Saina fotsy fahiny !!

FANEVA Fotsy ANKEHITRINY !!!

Saina fotsy – drapeau blanc – raha milavo lefona, mibaboka fa resy. Atinakanjo fotsy, hono satria antsilin-tsofina, no nasain’ny mpanjaka Ranavalona faha-3 naharihary teny antendron’i Manjakamiadana nony tsy nanohitra intsony ny mpiantafik’i Renikelimalala izy. Mahonena !

FANEVA FOTSY – bannière blanche –.  Arangaranga ny faneva hibaribary antampon’ny loha. Vonona ny mpianady. Vonona hiatrika izay hifanandrina aminy. Vonona ! Na inon-kidona, na inon-kihatra. Efa nisotro ny aleoko maty. Efa nidio anaty. Madio sy mahitsy. Mitaky rariny. Mitaky hitsiny. Mampiranga faneva FOTSY.

Saina fotsy no nihafian’ny razambe Vazimba FAHINY.

FANEVA FOTSY no atsangan’ny taranaka Vazimba ANKEHITRINY.

R E V O L I S I O N A 


V A Z I M B A !


M B Y   N Y   F O T O A N A .

lundi 13 juillet 2015

Andriamatoa Filohan'ny Repoblika / Monsieur Le Président de la République,

FANEVA FOTSY - Bannière blanche

Andriamatoa Filohan'ny Repoblika,

Tompokolahy hajaina,

Olompirenena voafidim-bahoaka ianao. Asandrato ankasahiana ny hasim-pirenena. 
Saropady, raondriana, ny voady sahinao notononina ho ren-tany, ren-danitra, nandritra ny fianiananao. Koa miangavy anao antanàn-droa. Tanteraho dieny mbola fotoany.

Ry olom-boafidy hajaina isany,

Hatramin’ny rahoviana ianareo no halaza ratsy nohon’ny tsikalakalam-bola maramara fiaviana ? Miangavy antànan-droa, tompoko. Lolohavy ny haja amam-boninahitra natolotra an-tsitrapo anareo tsirairay avy.

Ry olom-panjakana isan’antanàntohatra,

Hefao antsakany sy andavany ny raharaham-panjakana sahinareo noraisina an-tànana. Ataovy madio mangarahara, tsy misy tomika. Mahasahia mametra-pialàna raha izay no tsy ho vita.

Ry vahiny mpamatsy vola isan-tsokajiny aman-tokony,

Ampiteraho ara-drariny eto Madagasikara ny tambin-karena izay notrandrahan’ny fanjakanareo sy mpangoronkarenareo an-kamitapitaka teto amin’ito tany masina, tanim-bazimba ito, efa anjato taona.

Ry Malagasy tsivakivolo,

Tandrovy ny hitsiny. Ny hitsiny ihany. Ny hitsiny hatrany.

Ahofahofa ny FANEVA FOTSY.

Amparisika ny olo-mazoto mpitaky fandriampahalemana sy fivoarana. Ahatanteraka ny fanambinana eto Madagasikara.

Andriamatoa Filohan'ny Repoblika,

Tompokolahy hajaina,

DIOVY NY FITANTANAM-PANJAKANA.

Mby ny fotoana.

Antsirabe, 13 jolay 2015

VAHÖMBEY.

__________________________


Monsieur Le Président de la République,

Excellence,

Vos concitoyens vous ont confié la majorité de leur vote. Veuillez leur prouver avec justesse et magnanimité que votre adoubement est, pour vous, sacré. Ils veulent la paix et le progrès. Ils s’impatientent à raison de vous voir démontrer pleinement vos capacités à ce sujet.

Mesdames et messieurs les Elus,

Jusqu’à quand vous permettrez-vous de défrayer les chroniques par l’insalubrité monnayable de vos pratiques ? Vous êtes les porte-voix des populations de vos circonscriptions et non seulement des artisans de vos élections. L’autorité conférée est sacrée. Quant au respect, il se conquiert.

Mesdames et messieurs les dépositaires de l’autorité officielle,

Veuillez sauvegarder la noblesse de vos fonctions respectives à quelque niveau que vous soyez. La bonne gouvernance est, avant tout, affaire de conscience. Aussi, toute compromission ne se rachète-t-elle à juste titre que par une volontaire démission.

Mesdames et messieurs les bailleurs de fonds et investisseurs,

Advient pour votre partie le moment de rendre à Madagasikara son légitime dû. Depuis des siècles, que de ressources n’y sont-elles frauduleusement exploitées, sinon pillées, pour enrichir les capitaux qu’actuellement, vous gérez. Intérêts pour intérêts, donnez sens à l’équité. Que la solvabilité se fasse précéder de la redevabilité.

Malagasy des quatre coins cardinaux,

Préservons la justesse. Rien que la justesse.

Le FANEVA FOTSY – bannière blanche - est hissé. Pour interpeller. Au nom de la paix et du progrès. En vue de la prospérité.

Monsieur Le Président de la République,

Excellence,

RENOVEZ L’ETAT DE DROIT.

Que ce moment-là soit.

Antsirabe, 13 juillet 2015.


VAHÖMBEY.


lundi 15 juin 2015

MANKASITRAKA !

Ito ny rohy mirakitra ny serasera an-tranokala rehetra hatramizay (play list). 
Ao avokoa na fanakantoana, na fanehoan-kevitra:




"AOK' IZAY !". Rock'n roll altitude.
Crédit photo: Namana Production, 2015
Mankasitraka eram-po eran-tsaina ireo tapaka – namana - havana nanome voninahitra ny seho natolotray Vahömbey, Sesely & Co sy Milanto ary Sôrameva notontosain’i BEzoro – ingénierie culturelle ny alakamisy 04 jona 2015 tao amin’i TRASS Tsiadana.

Kiranyl de Milanto, lead-guitar, sur la pédale Vox tube.
Crédit photo: Namana Production, 2015
Voaray soa amantsara ny hasina volatsivaky natolotrareo ampahatsorana koa Andriamanitra Fiadanana  hameno avo analinkisa ny kitapo nialàny tany aminareo tsirairay avy.

" Madamabe ", Aria Pro II série limitée.
Crédit photo: Namana Production, 2015.
Faran’izay nahatsiaro tena voakarakaran’ny tomponandraikitra tao amin’i TRASS  izahay mpanakanto koa feno fankasitrahana tokoa noho izany.

Dialogue avec Milanto. Blues session.
Crédit photo: Namana Production, 2015.
Ialàna tsiny etoana ny pitsopitsony tsy nahatomombana ny lafiny ara-peo ankapobeny. Vao miantomboka mamaky lay indray izahay, hany ka somary mbola niambakavàka. Hatsaraina miandàlana izany.

Dialogue avec Sesely. Blues session.
Crédit photo: Namana Production, 2015.
Ankoatra izay, tsy afa-niatrika iny seho iny ny mpiandraikitra manokana ny kirakira feo ho anay. Sendra toe-pahasalamana nananosarotra izy tamin'iny. Efa salama tsara izy ankehitriny.

Blues. Poignant mouth organ.
Crédit photo: Namana Production, 2015.
Santatra ambava rano iny, tompokolahy sy tompokovavy, ny manetsa be mbola ho avy.
Amin’ny manaraka indray ô.

V&V. Sôrameva: " Masoandronao ".
Crédit photo: Namana Production, 2015.
Vahömbey / Sesely  & Co / Milanto / Sôrameva / BEzoro - ingénierie culturelle.

" MANKASITRAKA, TOMPOKO Ô !"

Crédit photo: Namana Production 2015.

jeudi 28 mai 2015

TRASS ! Alakamisy 04 Jona. Amin’ny 8 alina.


Opus LàKALàKA en live !




Sesely & Co !! 


SESELY
Bassiste légendaire - Arrangeur musical

GUEST OF HONOUR


SÔRAMEVA Vahömbey
" Masoandronao "

Hira vaovao !!!



“ Salanitra ny ambanilanitra ” Vahömbey & Milanto.
Version Malagasy de “ What a wonderful world ”, Louis Armstrong.


SALANITRA NY AMBANILANITRA

Tontolo mavana, mamony, mamoa.
Rako-pelana avokoa, manimanitra, soa.
Mahafinaritra, ambanilanitra salanitra.

Manga ny avana, botsiaka ny rahona.
Mirana ny andro, tony ny alina.
Mahafinaritra, ambanilanitra salanitra.

Vahandanitra mandokoloko abakabaka.
Maeva sôra jiabijiaby, tsy ankanavakavaka.
Bezoro ! Man’ahoana, salama tompoko ô.
Fo madio ro talilio, mbola tsara, havako ô.

Ajà tamanimane, bey vata ndraike andro agny ê.
Hisy jery mandilatra zaho, hatsilo hatrany hatrany.
Mahafinaritra, ambanilanitra salanitra…
Eny hahafinaritra, salanitra ny ambanilanitra.

Version malagasy de “What a wonderful world” Louis Armstrong.
« Salanitra ny ambanilanitra », texte de Vahömbey.
Antsirabe,
03 mars 2015 à 16 heures pour honorer le souvenir de l’anniversaire de José Rivo RABEARISON (03 mars 1961- Février 1972)

 
MILANTO
Guitar heroe - Blues singer

MATY AMINAO ZAHO , Milanto & Vahömbey :


MIRÔKARÔKA , Vahömbey & Milanto :



Hira tranainy


ONGAINA. Album SALANITRA 1999. Milanto & vahömbey:

https://www.youtube.com/watch?v=3WM3E6loBJM&spfreload=10

MANGANA, Album Salanitra 1999. Vahömbey, Milanto,  Sôrameva:


ECCHYMOSE

Quand d’un violoncelle s’écoulent des notes tout en caresses,
Quand d’une guitare torturée surgit une poignante mélodie,
Pour ramoner la mémoire… Pour déterrer des histoires.
De ma litière, je fais ma tanière pour étouffer mes pensées.

Quand dehors, il crachine… Le froid engourdit les carreaux.
Est-ce le ciel qui se déteint ou mon cœur qui se dépeint ?
Des grains de larmes se déversent pour se noyer dans mes yeux.
Renégat de climat ! Que de nuée !! Que de buée !!!

Quand tout, en moi et autour de moi, s’effiloche et se déchire,
Mes doigts lacèrent les murs pour un lambeau de ton ombre.
Pourquoi as-tu choisi l’hiver pour déserter ma chaumière ?
Garde un coin pour mes pensées là où tu es désormais !
Quand d’un violoncelle s’écoulent des notes tout en caresses,
MANGANA

Feon-dokanga moramora mampahatsiaro safosafo.
Toreon-gitara mitaraina, langolango malaindaina.
Mitanisa zava-maro tsy hitako ho tantaraina.
Misakobom-bodofotsy aho, mitoretra, lasa saina… !

Rehefa merika iny ny andro, maha-ngolingoly ny ando,
Tsy haiko intsony na ny foko, na ny lanitra no mihofo !?
Satriko ihany tsy hitomany, hiezaka ho mafy loha !
Nefa ny lanitra ami’zany, malomaloka ka tsss…

Izany rehetra rehetra izany sy izao rehetra rehetra izao…
Mampandrangon-drindrina ahy ny alokao mananihany !
Naninona no dia ririnina no iny ianao vao sahy nandao ?
Ny eritreritro fihinina, ataovy entankelinao.

Feon-dokanga moramora mampahatsiaro safosafo.

Textes et musique: VAHÖMBEY, Album SALANITRA 1999


VAHÖMBEY Youtube Play List :



" KIVIRO ", anneau d'oreille du guerrier tandroy
" FARARA ", harmonica diatonique du bluesman

TRASS géolocalisation



samedi 16 mai 2015

TRAFONKENA OME-MAHERY.

Ankasitrahako etoana ireo olona manoratra aty amiko nony mahare ny nandrafetan’ny tarika VAHÖMBEY ilay hira hoe “ FANIRIAKO “ FFPM 39.

F’angà i Vahömbey, hono, Mpino – “ Croyant “ ?

Valiako mazava sady ampahatsorana etoana.




Andriamanitra RAY

Miara-dàlana amin'Andriamanitra RAY mandrakariva aho.

Ny mpanazary dia toa izany avokoa.


Na inona na inona fireham-pinoany sy anarana omeny ara-kolontsaina an’Andriamanitra RAY Ndregnahary, Jehovah, Allah, …




Jesosy Kristy

Zokibeko ankamamiako indrindra JESOSY KRISTY. Te-hanahaka azy lalandava aho. Ary ny faniriako lalina indrindra dia ny hahavita, na ampahany fotsiny aza, izay notanterahany fony izy olona niaina tety an-tany toa antsika.

Safidiko ahy manokana io. Ao am-poko ao no tena tempoliko.

Ny mahafinaritra ahy indrindra dia ny manatrika fotoampivavahana any amin’ny chapelle katolika. Ohatra any amin’ny monastère bénédictin any Mahitsy. Vakiteny dia hira masina ranofotsiny. 

“Communion spirituelle dans le recueillement”.

Tsy vesarina fampideraderam-pahaizan’olombelona ara-tsoratra masina sy toriteny fanitrikitrihana lavareny.




Senseï

Amin'ny maha-mpampianatra Arts martiaux japonais ahy, 43 taona nikatrohana aho izao, dia jery filôzôfika sy teknika fahaiza-miaina andavanandro tatsinanana no mampaharisika ahy.

Ohatra amin'izany ny famolahan-tenako isanandro amin’ny Méditation Zen.

ZANSHIN : vigilance optimale favorisée par une décontraction quasi-totale.

Io no tena ilofosako.




Mahaolona

Amin'ny maha-mpikaroka ahy satria Philosophie no fianarana ambony norantoviko, notovanako Anthropologie ary Ethnomusicologie no tena nifantohako, dia nimatimatesako hatramizay ka hatramizao ny fandalinana ny tena mahaolona malagasy. 

Olombelona = Mitondra tena toa singa mahay mirindra amin’ny voaàry manontolo.

Olombanona = Mankatoa fifanabeazana anivon’ny ankohonana sy ny fianakaviana ary ny mpiray monina ankapobeny.

Olonkendry = Mizatra manefy tena tsy ankiandrandra n'iza n'iza intsony, tsy ankiandriandry n'inon'inona intsony.

OLONA = Mitandrina ny feon’ny fieritreretana koa manatanteraka izany an-tsakany sy an-davany sady ankafaliam-po.

Izay mahatontosa ireo dingana ireo no mahatanteraka ny zotran’ny mahaolona.

Izay mahafehy ny mahaolona dia mahatsapa hoe Andriamanitra RAY no Maha-Olona.




Géomatique

Fanadihadiana mikasika NY VAZIMBA izay loharano nipoirana sady fototrin’ny firenena malagasy no tena ifotorako ankehitriny. Ary anomanako thèse ho atolotro ny Akademia Malagasy.

Fanamarihana goavana

Efa informatiser-na ankehitriny ny tetiandro sy ny sikidy ary ny rohotany. 

Amin’ny fotoana hampety izany dia ho logiciel azon’ny besinimaro kirakiraina toa kindriandriana ny tetiandro sy ny sikidy ary ny rohotany. 

Ho fitaovana fampiasa andavanandro toa ny GPS, ohatra.

Hampigalabona ny antsoina hoe Géomatique ny programmation informatique -n’ny tetiandro sy ny sikidy ary ny rohotany. Toa izany koa ny raokandro.

Ny Géomatique no lafika siantifika fandrafetana fampandrosoana ho an’ny isambatanolona eto anivon’ny firenena. 

Famolahana ny fanontoloana izany !  Hanjary fitaovana fampirijarijàna ny kolontsaina malagasy ny teknolojia vokarin'ny fanontoloana.

Amin’izay fotoana izay, asakasaky ny marivo salosana raha mbola hanasoketa ihany ny fahaizana amam-pahalalàna noraiketina hatry ny vanimpotoam-Bazimba !

Hanasoa ny andavanandron’ny besinimaro io famelomana ara-kolontsaina ny Géomatique io !




Rasavolana

Mizara maimaimpoana ny antsoiko hoe " REVOLUTION VAZIMBA, fascicule de mobilisation " aho ankehitriny. Famintinana ny fahalalàna tratrako hatreto izy io koa ampitaiko amin'ny besinimaro.

Raha sitrakao dia ho ampitaiko any aminao ihany koa izy io, en PDF.

Anoraty mailaka amin'ito adiresy ito aho dia ho valiako avy hatrany ianao raha vao azoko atao:





1. FANIRIAKO :


2. Emission Radio Antsiva.
REVOLUTION VAZIMBA = Tsirim-panantenana ! 



3. « La Vie des Maîtres » Baird T. SPALDING