Mifona,
tompoko. Mandadilady rariny aho io. Amparakizo ny fireneko. Na ho voatondro molotra sy ho zimbazimbaina aza aho dia hinia hamaky bantsilana.
Misy antony
ezahako hazavaina amin’ny mason-tsokina ananako izao loza aman’antambo mihatra
izao. Raha anisan'ny fototr’aretina tokoa izany dia azo anoritana “katranaoly”,
araka ny filazan’ny Tandroy azy.
Koa tsy hiviombio velively ito lahatsoratra
ito satria an’i Kirijavola, ny voamasony no ho potsiriny. Noho izany, manao ombay làlana
amin’izay mora tafintohina re, raondriana.
Mivezivezy
anelanelan’ny ao amin’i Facebook sy eto amin’ny blog ny serasera iandraiketako
koa aza omena tsiny raha hisy ny fanazavana amin’ny fiteny malagasy ary ny
sasany kosa dia frantsay. Hampivoitra
mazava ny hafatra ampitaina no anton’izany.
Hizara dimy ny lahatsoratra: Tompoko, … - Aliénation
culturelle et religieuse – Vazimba andohan-talily – Mpanazary sy Anjely – Rasavolan’Ikaky Ravaho.
 |
| Peinture sur mur et crédit photo: Vahömbey. |
Tompoko, ...
Noho ilay groupe
SALANITRA NY AMBANILANITRA tantanako ao amin’i Facebook izay mampisongadina foto-pahalalàna isan-karazany iainan'ny zanak'olombelona eran'izao tontolo izao dia nisy ireo velon'ahiahy koa nitsikera. Nandrisika ahy izany hamoaka ito lahatsoratra
ito ambany ito. Hevi-tsy feno, hono, manatody ahiahy koa aleoko misoroka. Hoy
ilay lahatsoratra:
TOMPOKO,
Misy
manontany ahy hoe atao inona avokoa ireto fampahalalàna asesisesiko ato ireto.
Fanakorontanana ny diabem-piangonana mpitonona ho kristianina ve hono ?
Sa fanozongozonana izay rafi-pivavahana efa tsara horina ?
Sa kosa, hono, aho te ho « gourou » na hanangana « secte » ?
Valiako mazava tsy ankiolikolika.
Tsy ho « gourou » mandrakizay aho satria « Libre penseur ». Ny tenabeko aza
indraindray mila tsy ho leoko koa ny hafa no andeha ho babeko !?
Ary
aoka etsy raha izay “secte”! Ny ankamaroan’izy ireo aza efa mankaloiloy ahy ny
fidradradradràny ny anaran’ilay maizina sady fangolika ! Ilay io indray no reko
tononin-dry zareo matetika kokoa noho Ilay Tompon’Ny Hazavana izay zokibeko
tiako tahafina.
Mifantina
izay tiako amin'ny filôzôfia rehetra aho ary mankatia manokana ny an'i Jesosy
Kristy. Trotroiko am-pahamendrehana izay fitiavako izay. Tsy ho aderaderako
mandrakizay. Masina loatra ! Sarobidy !! Saropady !!!
Sao
mba tsy rariny, hono, ireto torohay atosaka ato ireto avy amin-draiamandreny
toa ahy !?
Ohatra,
ny fasahiako nilaza hoe nianatra filozôfia bouddhique i Jesosy avy any Nazareta
ary isan'ny fahalalàna nampihariny izany nafahany nampiranga ny maha-Jesosy
Kristy azy.
Azafady,
azafady indrindra, marina. Ny fanapenamaso ampiharina amin’ny mpiarabelona
amiko no tena tsy rariny velively ho ahy. Fisaka ny rariny ary marolafy ny
marina.
“Fantaro
avokoa ny zava-drehetra koa fihino mafy izay tsara”, hoy ilay tenim-pahendrena.
AOKA
IZAY ny fiheverana izay tsy mitovy hevitra, na ara-kolontsaina na
ara-kolompinoana, amin’ny tena ho dondrona sy kentrina ary hanjakan’ny herin’ny
maizina.
Aleo
samy higoka izay tara-pahazavana sahaza ny tenany avy ny tsirairay ary hisafidy
malalaka izay mety aminy.
Tena
ilaina dia ilaina, tompoko, ny CULTURE GENERALE mba ho SALANITRA tokoa NY
AMBANILANITRA.
Ny
ankamaroan’ny olon-tsotra eny an-dàlambe dia lerana, tian-kàno tsitiankàno,
“prospectus” sy “dépliant” ary bokikely izay tsy mivoy afa-tsy
fandresehan-dahatra poamaso. Ilaina ireny saingy tsy ampy mba afahan’ny
tsirairay mandalina izay tena irin’ny fony.
Ahoana
no ahalalàna izay sahaza ny tena raha toa tsy afaka mampitaha foto-pisainana sy
finoana isan-karazany ?!?
Mihatra tanteraka eto
Madagasikara ankehitriny ilay nantsoin’I Karl Marx hoe “La religion, opium du
peuple”.
Dia
io isika mianakavy midogaigy velona io ary midonjona hatramin’ny
fiainam-pirenena ! Viraviraim-potsiny !!
Ny
mpilokaloka pôlitika no hany omen-tsiny, ara-drariny tokoa, nefa ny besinimaro
mihitsy no efa voalemy saina. Toriteny manamasaka làlan-dririnina lava izao no
amahanana azy ireo. Hany fanohanan-kevitra ? Fitanisana an-tokony sy andininy
efa tsianjerim-boloky. Mety hampatsilo saina ho an'ny fiainana andavanandro ve
izany ? Sesiboletra ve hanampy ampisaina !?
Folahana
isan-toriteny amin'ny kabary tsy valiana ny mpiasaben'Andriamanitra. Hany ka
aleo mangina raha vao tsy ahatanisa tokony sy andininy. Ady karajia amin'ny
fampiderana fahaizana soratra masina ve ifaninana amin'ny farisianina maoderina
? Sao mahamenatra olona eo !
Vokany:
tany lonaka ho an'ny mpamiravira pôlitika ny mpiasaben'Andriamanitra !!
Rehefa
tsy mandinika akaiky an'io lafiny io ny tompon'andraikim-piangonana ka hanova
fanao dia tsy hivoatra mihitsy ity firenena ity.
Hampivoatra
ny mahaolona no nitsanganan'i Jesosy Kristy tamin'ny fotoan'androny.
Firy
amin'ny tomponandraikim-piangonana no miandany amin'izay fototra izay ?
Firy no mibirioka saingy manao tsindry aloka satria ... Olo-mahay ?
Firy no sahy miatrika ny feon'ny fieritreretany hoe tena miezaka manahaka tsisy pentina an'i Jesosy Kristy ?
Firy no mibirioka saingy manao tsindry aloka satria ... Olo-mahay ?
Firy no sahy miatrika ny feon'ny fieritreretany hoe tena miezaka manahaka tsisy pentina an'i Jesosy Kristy ?
Efa
mihazokinjokiny ny tenako, tompokolahy sy tompokovavy, koa mahatsiaro manana
adidy dieny mbola omen’ Andriamanitra fofonaina.
Anjara
adidiko izao efaiko izao.
“Fantaro
avokoa ny zava-drehetra ary fihino mafy izay tsara !”
Mankasitraka
indrindra,
VAHÖMBEY.
Tsy jery vaovao
velively io ambara io. Samy tonga saina mangingina amin’io isika mianakavy
saingy miahotra na miambakavaka be ihany noho ny antony samihafa. Efa misy olo-miha-maro isa mifoha anie any ambadika any ê.
Indrindra fa any Afrika.
Porofon’izany ito fanehoan-kevitra manaraka ito. Toa sangisangy zary tenany nefa manindrontsindrona izay tsizy !
 |
| Peinture sur mur et crédit photo: Vahömbey. |
Aliénation culturelle et religieuse
Début de citation.
L’OCCIDENT ET NOUS
Quand ils font la guerre, elle devient mondiale
Quand ils ont une opinion, elle est internationale
Quand ils s'expriment, ils le font au nom de la communauté internationale
Quant à leurs valeurs, elles sont universelles
Quand ils ont une crise, elle est mondiale
Quand ils parlent d'eux c'est une langue. Quand ce sont les autres c'est
forcément des dialectes
Leurs fruits ont des noms du genre pomme, abricots, pèche. Ceux de
l'Afrique sont exotiques, sauvages
Ils se sont installés de force en Amérique, au Canada, en Australie, en
Afrique du sud, Amérique du sud et ils nous traitent d'immigrés. Lamentable !
Quand ils viennent chez nous ils disent qu'ils sont expatriés et quand
c'est nous qui allons chez eux ils nous traitent d'immigrés. Mesquinerie quand tu nous tiens.
Ils disent d'eux qu'ils sont en situation irrégulière dans un autre
pays. Et quand il s'agit de nous, ils disent que nous sommes des sans papiers, des clandestins.
Quand ils s'attaquent à l'occupant, ce sont des résistants. Et quand nous on s'attaque à l'occupant, nous sommes des terroristes
Ils sont les seuls à pouvoir se doter des bombes atomiques et bizarrement ce sont les autres qui fabriquent et utilisent des "armes de destruction massive"
Quand ils les combattaient il y'a à peine un demi siècle, on les appelait homosexuel, pédé. Et maintenant qu'ils les acceptent on les appelle gays.
Quand ils croient en Dieu, le monde entier doit croire en Dieu. Et maintenant qu'ils n'y croient plus, le monde entier devrait accepter le mariage entre deux personnes de même sexe. Croire en Dieu est devenu ringard’
Quand on se met tout nu avec un cache sexe, nous sommes des sauvages. Et quand c'est eux, ils font du naturisme
Quand nos femmes se voilent, nous les opprimons. Quand les leurs se voilent, ce sont des saintes (soeurs)
Quand ils y régnaient, on parlait de noble art. Depuis que nous les terrassons, on parle de boxe tout court
Quand ils nous prêtent de l'argent, ils parlent d'aide. Quand ils viennent nous piller, ils nous parlent de partenariat ou d'accord de partenariat
Quand ce sont eux qui le font, c'est du lobbying. Quand c'est nous, c'est de la corruption, du clientélisme, du népotisme
Ils traitent nos scarifications (marque de reconnaissance ethnique) de sauvage. Aujourd'hui ils pratiquent le tatouage à outrance
Ils disent chez eux que la femme est plus libre, mais ils oublient que le corps de la femme se vend en vitrine à Amsterdam et aujourd'hui pour une pub de yaourt on a droit à un sein nu. Quel culot !
Quand ils font la guerre, elle devient mondiale
Quand ils ont une opinion, elle est internationale
Quand ils s'expriment, ils le font au nom de la communauté internationale
Quant à leurs valeurs, elles sont universelles
Quand ils ont une crise, elle est mondiale
Quand ils parlent d'eux c'est une langue. Quand ce sont les autres c'est
forcément des dialectes
Leurs fruits ont des noms du genre pomme, abricots, pèche. Ceux de
l'Afrique sont exotiques, sauvages
Ils se sont installés de force en Amérique, au Canada, en Australie, en
Afrique du sud, Amérique du sud et ils nous traitent d'immigrés. Lamentable !
Quand ils viennent chez nous ils disent qu'ils sont expatriés et quand
c'est nous qui allons chez eux ils nous traitent d'immigrés. Mesquinerie quand tu nous tiens.
Ils disent d'eux qu'ils sont en situation irrégulière dans un autre
pays. Et quand il s'agit de nous, ils disent que nous sommes des sans papiers, des clandestins.
Quand ils s'attaquent à l'occupant, ce sont des résistants. Et quand nous on s'attaque à l'occupant, nous sommes des terroristes
Ils sont les seuls à pouvoir se doter des bombes atomiques et bizarrement ce sont les autres qui fabriquent et utilisent des "armes de destruction massive"
Quand ils les combattaient il y'a à peine un demi siècle, on les appelait homosexuel, pédé. Et maintenant qu'ils les acceptent on les appelle gays.
Quand ils croient en Dieu, le monde entier doit croire en Dieu. Et maintenant qu'ils n'y croient plus, le monde entier devrait accepter le mariage entre deux personnes de même sexe. Croire en Dieu est devenu ringard’
Quand on se met tout nu avec un cache sexe, nous sommes des sauvages. Et quand c'est eux, ils font du naturisme
Quand nos femmes se voilent, nous les opprimons. Quand les leurs se voilent, ce sont des saintes (soeurs)
Quand ils y régnaient, on parlait de noble art. Depuis que nous les terrassons, on parle de boxe tout court
Quand ils nous prêtent de l'argent, ils parlent d'aide. Quand ils viennent nous piller, ils nous parlent de partenariat ou d'accord de partenariat
Quand ce sont eux qui le font, c'est du lobbying. Quand c'est nous, c'est de la corruption, du clientélisme, du népotisme
Ils traitent nos scarifications (marque de reconnaissance ethnique) de sauvage. Aujourd'hui ils pratiquent le tatouage à outrance
Ils disent chez eux que la femme est plus libre, mais ils oublient que le corps de la femme se vend en vitrine à Amsterdam et aujourd'hui pour une pub de yaourt on a droit à un sein nu. Quel culot !
Fin de citation.
Na lafiny ekonomika, na
pôlitika, na sosialy, na lafiny inona na inona resahana, ny mampitondrevaka
antsika Malagasy ankehitriny dia io "Aliénation culturelle et religieuse" io. Ampolon-taona
maro aho izay no namakafaka sy nandinika, ao no rangory fototry ny afo !
Matoa isika donendrina sy
midananà-poana toa izao dia ao amin'io no fototr'olana. Any ampara-hatoka
mihitsy isika no voalemy.
Zahao tsara fa ny firenena toa
antsika taloha kanefa tafavoatra ankehitriny, ohatra i Rwanda, dia io
aliénation culturelle et religieuse io no norarafàn-dry zareo voalohany.
Question de volonté ! De volonté individuelle, d'abord. De volonté commune,
par la suite. Et enfin de volonté politique de la part des dirigeants. Pour
progresser dans la meilleure voie, sitôt cette aliénation culturelle et
religieuse ébranlée, le reste relève surtout de la qualité de notre génie
organisationnel.
Illustration:
Quand des pays comme le Rwanda ont su faire appel aux experts confirmés,
nationaux comme internationaux, de la Justice Transitionnelle (philosophes,
historiens, juristes et autres spécialistes des sciences humaines et sociales,
...) pour se relever de leurs monstrueux affrontements civils, que constater ?
Que chez nous, la réconciliation nationale est confiée aux chefs de file
des confessions religieuses conventionnelles, exclusivement d'obédience chrétienne.
Sauf le respect que je dois à ces raiamandreny, quelle aberration !
Disposent-ils de la technicité, de l'expérience et de toute la compétence
nécessaire pour une telle mission ?
Fondamentalement bergers de leurs propres ouailles, peuvent-ils s'auréoler
d'objectivité ?
Et qu'en est-il du reste de la population qui ne franchit pas le seuil
de leurs paroisses ?
Le comble de l'absurdité est de leur confier la réconciliation, à l'échelle
de la Nation, avec soi-même et avec autrui. La réconciliation exige tout un
processus qui facilite le face-à-face avec les stigmates de l'Histoire de
Madagasikara handicapée par des affrontements idéologiques sanglants.
Et encore, j'évite par pudeur de parler de la politisation de ces
"raiamandreny am-panahy". Comble du comble, seuls les premiers
responsables politiques de notre décadence ont été privilégiés pour amorcer les
pourparlers. Très vite, ne se sont-ils tournés le dos ?!?
Aliénation culturelle et religieuse, quand tu nous tiens !
Bonté de bonté !!
Marihako
manokana fa efa injato kely aho, hoy ny fitenenana, no nanolotra torolàlana ho
an’ny fitondram-panjakana ankehitriny mikasika io Justice Transitionnelle izay
tao anatin’ny drafitrasam-panjakana nomaninay FAnambinana MAdagasikara – FAMà. Niady ho
minisitry ny kolontsaina aho tamin’ny goverinemanta voalohan'ny Repoblika faha-IV mba afahana
mampihatra an’io. Ankilabao tsotra izao.
Tsy mbola milavo lefona mikasika io
Justice Transitionnelle io aho hatramizao fa mbola mitady hirika hatrany
ampiharana azy io ara-panjakana. Nahomby tany an-kafà rehetra tany io. Ilaina arafitra
amin’ny zava-misy eto an-toerana dia mizotra ny raharaha fampihavanana.
Senior
consultant en ingénierie culturelle aho rehefa miresaka an’io Justice
Transitionnelle io fa tsy mpanakanto na mpandraharaha pôlitika.
Noho izany, teknisianina. “Carré
et objectif”, hoy ny fitenim-bahiny.
Raha nanazava ny
maha-banja goavana ny Tantaram-pirenena aho ho an’io fahaizan-mandraharaha io
dia nisy nanontany hoe: “F’angà nisy kolontsaina talohan’ny faha-mpanjaka ?”.
Fanontaniana faran’izay tsara !
 |
| Peinture sur mur et crédit photo: Vahömbey. |
Vazimba andohan-talily
Valiako mazava ilay fanontaniana.
Ny kolontsainan'ny Vazimba
izay nahavatra nampandroso ny vahiny rehetra tonga taty afara no vahatry ny
tantaran'i Madagasikara. Izay no iantsoana azy ireo hoe Andohan-talily.
Ny fifampirandranan-tendron'ny
Vazimba tamin'ireo andiam-bahiny tonga tsikelikely taty afara ireo no nanome
hasina ny fanjakàm-panjaka nanerana ny nosy.
Nototoran'ny "histoire
officielle" tsikelikely noho ny antony ara-pôlitika ny fisiana
mari-pototry ny Vazimba izay tsy mba voakajy an-tsoratra. Marihana fa sorabe no nitahirizana fahiny izay rakitry ny ela. Anjaran'ny tsirairay no mamisavisa izay mety nasovok'izany fahefana pôlitika goavana dia goavana izany.
Na dia efa nisy taloha lavitra ny vaninandron'Andrianampoinimerina aza ny fanilihana tsikelikely ny taranaka Vazimba dia teo amin'io mpanjaka malaza io izany no
niharihary indrindra rehefa nikiry ny
ampirangàna an'Ilaidama ho mpanjaka mpandimby azy izy.
Nampibolongana ny fifandiram-pijery teo amin’ny
havam-bazimba sy ny mpahay hatrany Atsimo Atsinanana izany.
Andriamamilaza no
nahatondra hatrany andahamadintanim-bazimba ny rano tsy dikain’amboa nahasinan’Andrianampoinimerina an’Ikelimalaza nafahany nanitatra fanjakana.
Tafaka-dapa taty aoriana ny
havana tatsimoatsinan'ny mpanjaka izay hatrany no tena ray nahitany
masoandro. Mifandraika amin’izay ve ny fifantsihan' ny ivon-drohotanim-bazimba ao
andakaosy fanasinan-tsinana fa tsy eo anivo fijoroana mifanandrify amin'ny andriben-dapa ao Besakana ? Ankamantatra, tompokolahy sy tompokovavy.
Nivaky roa ny tao androvan'Andrianampoinimerina. “Fracture
épistémologique” no filazan’ny philosophie azy. Fifanandrinana isan’ny
nampikoro ny fanjakana merina izay mpiambina ny laka ivon-drohotanim-bazimba nafahany
nijoro ho Fanjakan’i Madagasikara izany.
Loza iray ! Isan’ny ozon-drazana mahery vaika zakain’ity
tany mamintsika ity ny ràn'ny taranaka tatsimoatsinana nasandratra ho Andriamasinavalona kanefa voavono ankabibibiana talohan'ny firodanan'ny Fanjakana Malagasy faha-mpanjaka.
Anontanio mikasika an’izay ny mpahalala toa ny Printsy Jobily Rakotoson izay nanolotra
ho an’ity blog ity ny tantaran-drazana # 01 sy # 02.
Loza roa !! Nanomboka
teo amin-dRadama I dia nitampify an-jorony rehefa tsy nikobona an-johy ny mpanazary Vazimba. Niha-niataka tanteraka ny raharaham-panjakana. Tsy niahy n'inon'inona intsony mikasika ny zotram-piainam-panjakana.
Radama I rahateo nandidy ny fanaboriana randrana. Sady nampiasa basy be aman-tafondro fandripahana aina. Noboriana ny randrana. Tsy fifandraharahana intsony ny fanitaram-pahefana fa lasa ankibeda sy antery vay manta. Niha-nahay toa ny tandrefana ra-Malagasy saingy nikolepaka ilay fotoram-panahy notovozina tamin'ny fahendrem-bazimba.
Aoka isika
ahatsiaro fa ny Vazimba no tena tompon’ity tany disahintsika ity. Hoy ny lovantsofina
nampitain’ilay ingahibe vazimba bahosy nihaonako tany Bemaraha tamin’ny 1999 fony
aho niasa ho an’ny RFO-TV5: ” Nisondrotra hatrany ankibon’ny tany ny tsingin’i Bemaraha.
Ary nipongatra niaraka tamin’izay ny Vazimba, nialoha ny nielezany nanerana ny
vazantany.” Hoy kosa ny géologie, nisintona ny ranobe dia nipoitra i Bemaraha.
Ambava omana, ampo mieritra.
Nanampy trotraka ny “fanimbazimbàna”,
izay lasa oha-pitenenana, ny fanjanahan-tany izay navozo fatratra ireo Vazimba nahatahiry tanjaka Mpanazary toa ny fanidim-boay sy ny zavontsihita ary ny tsilaitrambasy.
Hafa ny lôjikam-bazaha: " manichéisme, matérialisme et domination de l'homme sur la nature". Hafa ny lôjikam-bazimba izay mifototra amin'ny " spiritualité, complémentarité des contraires et harmonie avec la nature". Hany ka "nohabibiana" hatrany ny Vazimba teo amin'ny jerim-bahoaka.
Saingy mbola tompon'ny tany ny
Vazimba hatramizao na tsinontsinoavina sy hamavomavoana aza. Miataka dia mitazam-potsiny sisa izy ireo. Izao no iafaran'ny nosintsika ! Nikoroso nanomboka tamin'ny taonjato faha-XIX. Mandroso indray mandingana dia mitambotsitra indroa miantoana.
Ny rano ity miverina amin'ny taniny eny andonahonan'Analamanga fahiny ary ny iba andrefan'ny
ivon-drohotanim-bazimba miha-mangozohozo fatratra !!! Zahao fa manomboka eo amin'ny adimizanantany miazo adijadintany no
manambana ny gorodon-driaka. Asa mitaky adalo hialana faditra ?
Aleo hazava tsara ny resaka.
Tsy mila velively anaovana fomba maramara amam-panao poakaty izay afangaro
finoanoampoana filàna tombotsoa manokana ny Vazimba. Ohatra: izay mety ho
karazana sorona aim-belona (akoho, omby, sns) sady sandaina vola aman-karena
Tsarovy fa FADY Rà ny tena
Vazimba. Ho an'ny adim-bazimba dia izay mahalatsa-drà no resy !
Tsaroako eto ilay
hitsin-dàlan-dririnin’ny tantara nampitaina tany ampianarana. Tsy nahaleo an’Andriamanelo
izay nanana lefom-by ny vazimba koa vaky lefa. Aoka re marina ! Nalaina niady
ifandatsa-drà izy ireo dia naleony nandefitra. Aok'izay ny fitsirihana ny tantaran-drazantsika amin'ny lôjikam-bazaha re, tompoko ô.
Amafisiko : Fady
mandatsa-drà ny Vazimba. "Non violence pour l'harmonie et simplicité
ascétique pour l'élévation spirituelle" no dikan'izany.
Fantaro fa ny maha-Vazimba ny
tena Vazimba sy ny taranaka Vazimba dia noho izireo Mpanazary, tompoko.
Ara-pikajiana firazanana, sady
TSY andriana, TSY hova, TSY andevo fa Vazimba ny vazimba satria vazimba.
"Hors caste"!
 |
| Peinture sur mur et crédit photo: Vahömbey. |
Mpanazary sy Anjely (1)
Vanim-potoana
mampibanabàna ny vavavokàka izao iainantsika izao. Tovan’ilay lahatsoratra "Tokantrano tsy ahahahaka”
no ambara etoana. “Copulation des deux luminaires sur le 0
degré des poissons », hoy ilay mpahalala, ny faha-19 febroary 2015 tamin’ny
2 ora maraina sy 47 minitra ary 15 sekondra lasa teo.
“Reprogrammation galactique” hoy isika teto. Io ilay
marika nandrasanan’ny Mpanazary efa ela dia ela izay. Zahao lahatsoratra “Galère sur terre, mystères
de l’univers”.
Misy ny
mpiantafika ho an’ny Mazava. Raha andohalaharana amin’izany ny Mpanazary ety
ambonin’ny tany, tsara fantarina fa misy mpirahalahy-mpirahavavy miara-mianady
aminy koa any ankoatran’ ny tontolo andavanandron'ny besinimaro. Anjely no fiantsoana azy ireo
amin’ny mahazatra.
Ho antsika Malagasy dia anisan’izy ireo ny razana mpiahy.
Tsy izay maty rehetra akory dia misandratra ho razana. Ny mahavatra manazary
mandritra ny fotoam-pandalovany ety an-tany no hany mizaka ny sata hoe Razana.
Ireo izay
nangidy hoditra, maramara fitondran-tena fony nirisarisa tety an-tany dia tsy
mipàka ho razana velively. Ito karazany faharoa ito dia mpamorika fandevina
amoron-dàlana, lolo sy avelo mirenireny foana koa antsoin’ny olona hoe “mpiady
vomanga”.
Soa fa misy ny manavin-janahary izay mpigodongodona manaitra azy ireo amin’ny
fahalovam-panahiny isaky ny alarobia maizinkitrom-bolana. Tsotra ny antony, mba inoan-dry
zareo ireo hoe misy ny Mazava any ananonanona any izay tokony hisondrotany mba
hananany fahafaha-misafidy hiverina ety ambonin’ny tany amin’ny fiainan-kafa
indray anarenany tena. Raha tsy izay dia voarohy andaharan’ny mpiantafiky ny
Maizina izy ireo ka mandroba-dràha ety an-tany no hany lahasany hatrany ambadika any.
Fehin’izay
tolokevitra izay, mifanandrina tanteraka amin’izao fotoana anoratako izao ny andaniny
mpiantafiky ny Mazava sy ny ankilany an’ny Maizina. Tsy hoe satria “Reprogrammation
galactique” dia manatombo hery ny Mazava.
Mibanabàna ny vavavokàka ! Fiandohana
izany. Fiandohana mampifandanja ny hery mpifanandrina. Vita pasoka ny daomy
tamin’ny 19 febroary lasa teo. Tena eo ampandrafetana diam-panorona vaovao
tanteraka isika io. Izao ankehitriny izao. Izao anoratako izao.
Noho izany, mandromodromotra
mafy mihitsy ny Maizina izay tompon’ny laka nialoha io 19 febroary 2015 io. Mbola
ho avelantsika ho baboanan’izy ireo indray ve ny laka ? Fotoana mety ho antsika
Mpanazary izao irosohantsika amin’ny lalina kokoa. Alao hery, ry havako isany !
Safeli-dromoromo
fotsiny izao sedra amin’ny loza aman’antambo manjo antsika izao. Azontsika
havadika ny tantara. Indrindra ho an’i Madagasikara. Manana SIVY taona isika
manomboka amin’ny faha-19 marsa izao hanarenantsika ity firenentsika ity. Tsara
dia tsara raha omanintsika sy iomanantsika dieny izao ny faha-19 marsa 2026.
Miangavy an-tànandroa
ny olo-mazoto aho. Mandadilady am-bovoka aman-davenona eo antongotrareo tsirairay avy. Mijoroa avokoa re, tompoko, izay
efa miaina ho Mpanazary.
Ho an’ireo izay mbola misalasala, ... Ataovy re, tompoko,
izay hahavanon-ko Olona anareo. Zahao ny lahatsoratra " Maha-Olona sy mahaolona " sao afa-manampy ho an’izany.
Mandadilady,
tompoko ô. Ario ny teniko raha misy diso. Saingy mialoha an’izay dia mba alaivo
ambony, alaivo ambany ihany. Tsy tombontsoa ho ahy velively no ilazako izao. Raha
izay tenabeko anie ka mety tsy ho eo intsony rahampitso, rahafakampitso ê.
Mahatsiaro tena
ho diso aho fony nirotsaka nofidiana Filohampirenena tsy nahavaky bantsilana tanteraka ny marina bitsihan’ny feon’ny fieritreretako. Tanterahako izany ankehitriny.
Tsy mila avara-patana na aiza na aiza aho raha manoratra izao. Ny
fahavalon-kevitra indray aza no ahiana hiha-hitombo isa nohon' ny fahasahiana manambara.
Sanatria, tompoko, ny
mitoky teny fantatra. Saingy fisaka ny rariny ary marolafy ny marina.
Koa mba asio maso sy sedrao ihany re izay atondroko mialoha ny iavonana azy ê.
Azafady indrindra.
Tsotra ny
hafatra. Omeo tànana re ny Anjelin’ny Hazavana ê.
Na ahoana na ahoana finiavan’izy ireo, tsy afaka mamboly fahendrena eo amin’ny toerantsika olombelona ny anjely. Anjarantsika ny ety an-tany, anjaran’izy ireo ny any ambadika any. Raha mahavita mamafy voa tsara isika, anjara lahasan’ny anjely kosa ny mampitombo izany avo zato, arivo, analinkisa heny.
 |
| Peinture sur mur et crédit photo: Vahömbey. |
Rasavolan'Ikaky Ravaho
“ Raha mbola
taranaka Malagasy mifototra amin’ny lafivalon’ity nosy ity ihany ianao, na
razamiharo inona na inona, dia fantaro sy tsarovy fa miaina ao anatinao ao ary
mamelona ny lahatra iainanao andavanandro ny “Génome Vazimba”.
Miandry anao, vato nasondrotry ny tany, ireo havanao Vazimba mitampify any ampara zohy.
Sao valaka ihany re izy ireo, marina mafy ê. An-taona maro dia maro izay no
nilolohavan’izy ireo ity tany ity. Efao ny anjara adidinao, ianao olo-mirija,
olo-misaina, olom-po amam-panahy.
Mitsangàna amin’ny
maha-Mpanazary anao !
Na inona na
inona foto-pinoanao sy fiangonanao, tohizo sy hajao. Tanterao anivon’izany ny
maha-Mpanazary anao.
Tsy mandrafy
anaka, tsy mialon-jafy ny maha-Mpanazary.
Ary aza manaiky
rebireben’izay fomba amam-panao izatsy na zaroa raha manelingelina ny
fisainanao sy ny feon’ny fieritreretanao izany. Tsy ilan-tsikidy na fanandroana
izany. Na izay karazandrazan-javatra miendrika ho finoanoampoana na asan'ny maizina araka ny fiheveranao.
Izany hoe
Mpanazary izany dia olona mahato-tsofina ny feon’ny fieritreretany ary
manatanteraka izany amin’ny antsakany sy andavany. Dia izay.
Mijoroa ho
MPANAZARY."
(1) Mpanazary, Album Ikaky 2009: www.youtube.com/watch?v=10pUTObgIog
 |
| Peinture sur mur et crédit photo: Vahömbey. |
(1) Mpanazary, Album Ikaky 2009: www.youtube.com/watch?v=10pUTObgIog
Aucun commentaire:
Enregistrer un commentaire