" Miarahaba,
tompokolahy. Manaja, tompokovavy. Salanitra isika mianakavy.
Hiloa-bava
anoloan’ny ambanilanitra koa manao ombay làlana, re tompoko ô. Mipi-bolo no sola
saingy faralahin’olona koa manao azafady.
Nampitsakoahana an-dRaMalagasy ny taona 2014. Navariny any avokoa ny disadisa aman-tsiasia.
2015 !
Ny olo-marina mpandadilady rariny hiavosa isa, hiha-velon-driaria.
Ny olo-marina mpandadilady rariny hiavosa isa, hiha-velon-driaria.
Alavirim-parofy
isika mianakavy. Fo feno fitiavana no mitrotro ny ho avy.
Tondra-dronono ny isan-dovia, iririavan-tantely ny isan-tokonana.
Tondra-dronono ny isan-dovia, iririavan-tantely ny isan-tokonana.
Soàva tsarà
fihavanana amin’ny anjely ê. Na mamatonalina na tataovovonana.
Matezà rohitina
ny aina ifanambinana hamamiana amin’ny olon-tiana.
Koa ny fafy rano
ho an’ny Firenena, tso-drano haharanitra ny ambanilanitra.
Mankasitraka,
tompokolahy. Mankatelina, tompokovavy.
Tahian’Andriamanitra
isika mianakavy."
Ikaky Ravaho.
Aucun commentaire:
Enregistrer un commentaire