« NZONI MATANGA TI FINI NGOU ! »
Tonga soa
ny taombaovao. Ifalio, arahabao !
Toa izany ny
fiteny Sango hatraty Bangui – RCA.
« Arahabaina
avokoa ny isan-tokonana. Samy lava velomana. Alavirim-parofy. Ahavanon-dahasa.
Ambinim-bola aman-karena. Iririavàn-tantely antokantrano. Itobahan-dronono
isan-dovia. Fiadanan’Andriamanitra, tompokolahy sy tompokovavy, ho antsika
mianakavy !”
01 janoary
2016.
00 ora sy 01 minitra.
Nirefodrefotra
ny basy. Tàtatàta marovava. Dobodoboka grenady. Lera iray tsy ankiato. Ankifamalivaly tifitifitra. Nanakoako alavitra. Nisy akaiky dia akaiky. Kotabataba.Horakoraka.
Hazolava ?
Pihana ny
jiro. Gadraina ny hidin-trano.
Torimaso no
nasiana olona.
Sady vonona
ihany koa.
Hikatroka, hiaro tena.
Raha toa…
Aucun commentaire:
Enregistrer un commentaire